गणेश चतुर्थीच्या मुहूर्तावर सोन्याच्या दरात वाढ; सण-उत्सवाच्या काळात सर्वसामान्यांच्या खिशाला झळ

आज लाडक्या बाप्पाच्या आगमनाने बाजारात उत्साहाचे वातावरण आहे. खरेदीसाठी सर्वत्र गर्दी दिसत असून, दागिने खरेदी करणाऱ्यांचीही सराफा बाजारात मोठी गर्दी झाली आहे. याच सण-उत्सवाच्या काळात सोन्या-चांदीच्या दरात वाढ झाली आहे, ज्यामुळे ग्राहकांना मोठा धक्का बसला आहे.

सोन्याचा दर वाढला

आज MCX (मल्टी कमोडिटी एक्सचेंज) वर सोन्याच्या वायद्याच्या दरात ₹400 ची वाढ झाली. सोन्याच्या 10 ग्रॅमचा वायदा भाव आता ₹1,01,070 झाला आहे.

• आज 22 कॅरेट सोन्याचा 10 ग्रॅमचा दर ₹93,900 पर्यंत पोहोचला आहे.
• 24 कॅरेट सोन्याचा 10 ग्रॅमचा दर ₹1,02,440 झाला आहे.

सराफा बाजारातही सोन्याच्या दरात ₹400 ची वाढ दिसून आली आहे. सणासुदीच्या काळात सोन्याचे भाव वाढणे हे सामान्य असले, तरी गणेशोत्सवामुळे ही वाढ जास्त असल्याचे दिसून येते.

चांदीचा भाव स्थिर

सोन्याप्रमाणे चांदीच्या दरात मोठी वाढ झालेली नाही. आज एक किलो चांदीचा भाव ₹1,20,000 आहे.

शहरानुसार सोन्याचा आजचा दर (प्रति 10 ग्रॅम)